Инспирацијата за овој ресторан доаѓа од македонската Везилка и нејзиното внимание за деталите, нејзината силна поврзаност со македонската свадба и невестинскиот вез, како и од уникатноста на нашиот традиционален вез.
Со оваа идеја почнавме да го градиме нашиот ресторан притоа посвeтивме огромно време на секој детаљ за да добиеме современ, модерен и елегантен простор кој ќе биде дизајниран за да ги импресионира дури и тие со највисоки стандарди.
Везилка се наоѓа на булеварот Првомајска, само неколку минути од центарот на Скопје. Ресторанот се простира на 4000 м2 од кои 1000м2 припаѓаат на целосно покриената летна тераса. Терасата има уникатен дизајн на бела мембрана (тенда), која во овие размери за првпат ќе биде видена во нашата држава.

Везилке, крени наведена лика, погледај в небо во претпладне златно:се зари таму и чудесна блика твојата везба на синото платно.

Главната ориентација на Везилка е одржување летни свадби па затоа и самиот ресторан е проектиран и дизајниран според тие потреби а ова значи:
-Летна тераса која целосно е покриена со уникатен дизајн на бела мембрана (тенда)
-Максимален капацитет од 550 гости со можност на преградување на просторот за оптимален капацитет од 300 гости
-Мала летна тераса со капацитет од 150 гости
-Голема современа кујна според HACCP
-Два шанка
-Простор за играње од 150-200 м2
-Голема сцена за музиката
-Специјална конструкција околу целата тераса за поставување декорации, светло, аудио опрема и визуелна опрема
-Посебен простор за пречек и за фотографирање со гостите
-Тоалет само за невестата
-Сопствен паркинг-простор за 150 возила

Контакт: 078 225 670

Покрај големата сала Везилка нуди и помал простор идеален за прослави на најубавите моменти со Вашата фамилија, пријателите или пак Вашите деловни соработници.
Оваа мала летна тераса нуди капацитет до 150 гости а е комплетно покриена со истиот препознатлив дизајн на шатор како и големата тераса на Везилка. Овој простор е идеален за прослави на родендени, матури, крштевки, веридби, мекици или пак за деловни групи.